زوجة تقيم دعوى طلاق ضد زوجها بسوهاج: هاجرني ومتعلق بجارتي المطلقة
أقامت ربة منزل تُدعى "رشا. م. ا" تبلغ من العمر 28 عامًا، دعوى طلاق ضد زوجها بمحافظة سوهاج، بسبب الضرر الواقع عليها منه بعد هجرانه لها ط، لمدة عام كامل وتعلقه بجارتها المُطلقة.
زوجة تقيم دعوى طلاق ضد زوجها بسوهاج
وقالت الزوجة في دعواها: "متجوزين لينا 4 سنين وكنا عايشين أحلى سنين عمرنا، لحد ما نقلنا من سنتين في شقة جديدة، ولسوء حظي ساكنة قصادي جارتي مطلقة من جوزها ليها 3 سنين وحلوة وصغيرة في السن، واتعرفت عليها وبدأت تزورني وأزورها، لحد ما جوزي اتعلق بيها وهي بدأت تشاغله".
الزوجة: هاجرني ليه سنة ومتعلق بجارتي
وأضافت الزوجة لـ القاهرة 24، أن زوجها تعلق بجارتها المطلقة، خاصةً بعد تعدد زيارتها لهم في المنزل، حتى لاحظت الزوجة تغيرات على زوجها، تطورت في هجرانه لها لمدة تزيد على عام كامل.
تقول الزوجة: "كنت حاسة إن جوزي متغير وإن فيه حاجه شغلاه عني بس ما فكرتش إن تكون جارتي السبب خصوصًا إن علاقتها حلوة معايا، لحد ما اكتشفت الحقيقة ولقيتها بترن على تليفونه ولما فتشت في التليفون لقيت في رسايل حب وغرام بينهم وكانت صدمة بالنسبالي، ولما واجهته أنكر ورفض يطلقني وقالي هاخليكي زي البيت الوقف".
وأمام تعنت الزوج وإصراره على موقفه من زوجته، لم تجد الزوجة حلًا أمامها سوى ترك منزل الزوجية، والإقامة في منزل أسرتها ورفع دعوى طلاق للضرر الواقع عليها منه.
