كلمت طليقي من وراء زوجي هل عليّ ذنب؟.. عمرو الورداني: خلي زوجك يكلمه
أجاب الدكتور عمرو الورداني، أمين الفتوى مدير مركز الإرشاد الزواجي بدار الإفتاء، على سؤال متصلة، عن: كنت متزوجة وطليقي واخد عيالي ومش بشوفهم، فكلمت طليقي من وراء زوجي فهل عليا ذنب، طيب لو قولت لزوجي ممكن يعمل مشكلة؟
وقال أمين الفتوى مدير مركز الإرشاد الزواجي بدار الإفتاء، خلال تصريحات تليفزيونية: اتكلمى مع زوجك واطلبي منه يتدخل، وقولي له عاوز أشوف أولادي لأنهم عند راجل تاني، وأنت اللي تتصدر لي، قائلا: لكن لا تكلم طليقها مرة أخرى، حتى لا تحدث مشكلات.
وأضاف الدكتور عمرو الورداني، أن اختيار شريك الحياة، لابد أن يكون في حدود شخص سيبقى معه حياته كلها، لذلك أول نصيحة إن الاختيار يكون مبنيا على أساس اختيار ديني وثقافي وروحي واجتماعي، متابعا: فيه زوج بيقول لزوجته كفاية علينا كده دين، علشان شايف إنها كل ما بتدين ممكن تعيد النظر في رؤيته لها، وهذا طلب غير إنساني، فلابد أن نعرف إن الدين ركن من أركان الزواج، والزواج علاقة إنسانية وأكثر العلاقات تنوعا أكثر من الأمومة والأبوة.
وأكمل مدير مركز الإرشاد الزواجي بدار الإفتاء: التدين مهم جدا في الاختيار، لا أنصح أن يكون واحد متدين جدا وهي غير متدينة أو العكس هيحصل مرار طافح، هو واحد عاوز يعيش عصر النبي وليست حياة النبي، فبالتالي هتحصل مشاكل كبيرة، متابعا: لازم الاثنين يكونوا عندهم قبول في مسألة الشكل، أو الطباع، محدش هيقدر يغير حد بعد الزواج، ومحدش يتزوج واحدة عشان يربيها، أو واحدة تهديه في تصورها.
عمرو الورداني: 7 صفات تجعل الرجل بطلا في نظر المرأة
وأشار عمرو الورداني، إلى أن هناك 7 صفات لو موجودة في الرجل سيصبح بطلا للمرأة، وهم: الزوج الساعي والحامي والحمّال والغيّور والصبور والقائد بحكمة أو بحنّية، متابعا: مفيش زوجة حتى لو زوجها عنده مال قارون إنه لا يعمل، الزوجة تفهم إن السعي جزء من الأمان ويحسسها برجولة الرجل، لو حصل مشكلة مالية هتهدد في أخلاقها، لكن لو في سعي هيكون في أمام لذلك أوجب الشرع على الرجل النفقة.
وأَضاف: كمان الزوجة تحب الزوج الحامي الذى يحميها هي المرأة كده تحب من يحميها حتى من نفسه، تلاقى الست برضوا تعمل اختبارات كده تشوف زوجها هيتعصب عليها إزاي هل عنده عنف أو خلافه، وكمان يحميها من أهله وأهلها فى حال من الأحوال، وتلاقيها تزعل لما يشتكيها لأهلها فهذا بيحسسها بعدم الأمان.
