بسبب ردود الضيف.. هادية غالب ببرنامج the blind date show تتصدر التريند: معندوش بربع جنيه نضوج
تصدرت البلوجر والإنفلونسر هادية غالب، تريند منصات التواصل الاجتماعي، خلال الساعات القليلة الماضية، وذلك بعد عرض حلقتها في برنامج the blind date show.
وحلت هادية غالب ضيفة ببرنامج the blind date show، والذي يعد واحدا من أبرز البرامج الترفيهية التي يتم عرضها عبر منصات التواصل الاجتماعي، وتقوم فكرة برنامج the blind date show على الحوار بين ضيف وضيفة حول الزواج والعلاقات العاطفية، بغرض التعارف.
وتحدثت هادية في برنامج the blind date show، مع الضيف عن البيزنس الخاص بها والمواصفات التي تتمناها في شريك حياتها المستقبلي، وخاصة أنها تمت خطبتها مرتين سابقًا، ولكن في المرتين لم يتم الزواج.
وتفاعل رواد مواقع التواصل الاجتماعي، مع حلقة هادية غالب في برنامج the blind date show، حيث أثارت ردود فعل الضيف موجة غضب واستياء المتابعين، وخاصة بعد ما أوضح أنه تزوج 4 مرات، وحينما سألته غالية عن ظروف الزيجات المتعددة، رد قائلًا: كل جوازة ولها ظروفها وحاجات بتقدمها.
وقال أحمد، ضيف برنامج the blind date show، لـ هادية غالب: أنا ممكن أشغلك بس مخرجش معاكي تاني.. إنتي حلوة في السي في وبتاعت شغل وملتزمة، لكن في العلاقات العاطفية وبالموعد الغرامي لازم تكوني إنتي عارفة عايزة إيه.. اللي مش عارف نفسة ولا عارف هو عايز ايه، يبقى مش عارف حاجة.
هادية غالب برنامج the blind date show
وانفعلت هادية غالب على الضيف في برنامج the blind date show، بسبب ردوده عليها، قائلة: أنا عارفة أنا عايزة إيه كويس من الشريك المستقبلي، ليرد عليها الضيف: إنتي يا بنتي صغيرة ومش عارفة كويس إني قولت لأ، من أول ما تكلمتي عن الخيانة، إنتي لسه صغيرة ومش فاهمة حاجة، إنتي يا بنتي طفلة لسه، وأنا مش واثق فيكي خالص، كنت حابك وإنتي لازم تحترمي إن في خد صريح، انتي مش جاهزة تقابلي حد، واللي أنا عايزة مش موجود لأن إنتي في طريق معين ومعندكيش طاقة لحد.
وكتبت صاحبة حساب عبر موقع التواصل الاجتماعي: أنا زعلانة والله إن هادية غالب راحت الديت دا، المفروض بننزل ديت نتعرف ونشوف لو في بينا توافق، مبنروحش نقيم الناس، ولا نحكم عليهم، ولا نحطهم في قوالب ولا نتطاول عليهم، متوافق تمام، مش متوافق خلاص فرصة سعيدة، الواد من أول الفيديو بيتعمد ترويج ثقتها في نفسه وبيقلل منها، بيقولها إنتي بيبي.. لسه ماتعرفيش حاجة، مش عارفة إنتي عايزة إيه.. انتي طفلة، وبيتريق عليها وهي بتحكي عن نفسها وشغلها وقاصد يحسسها إنها تافهة.
وتابعت، تعبيرات وشه وهي بتتكلم دا شخص معندوش أي لياقة اجتماعية، والعبط بقى بيقولها أنا أتجوزت 3 مرات، بس مكنتش عاوز أتجوز، قلتله واتجوزت ليه؟ قالتها كانت مناسبة وبتقدم الأشياء، يعني مفيش بربع جنيه نضوج، ولما تقول لست أنا خنت تتخض وتقول مش مناسبني، دة حقها.
فيما قالت أميرة موسى، الحاجات دي مش بتضحك ولا بتقول حاجة غير إننا قدام شخصيات أقل من الناقصة بشويتين، مش هينفع نقول على العينة دي راجل طبعا لكن ممكن نقول إنه عرة، مع الأسف دول كتير جدا لدرجة إنه العادي بقى كأنه نادر وغير عادي.
