أرملة المُعلم المقتول على يد زوج طالبته بالمنوفية: مكانش بياخد منها فلوس وحضر فرحها | بث مباشر

كشفت أرملة المدرس المقتول على يد زوج طالبة عنده، في محافظة المنوفية، تفاصيل مقتله غدرا على يد المتهم.

وقالت أرملة المدرس المقتول على يد زوج طالبة بالمنوفية: كنت عند أهلي وجالي اتصال بيقولي جوزك مات، وبعدها اتصلت عليا طالبة وقالتلي أنا معاه في المستشفى ومستنياكي.

وأضافت أرملة المدرس: على ما وصلت المستشفى أنا وولادي لقيت جوزي مات، جوزي كان مستنيني أنا وأولاده علشان يموت، روحه كانت متعلقة فينا، وكان بيودعني قبلها وباعتلي رسالة، وأول ما صحيت لقيته باعتلي ماسدج بيقولي وحشتيني، كأنه كان بيودعني، لكن مجاش في بالي، وكل حاجة انتهت في لحظة.

وأكملت أرملة المدرس المقتول على يد زوج طالبة بالمنوفية: عمره ما جاب سيرة البنت دي، هي كانت بنت جيرانا، ومكانش بياخد منها فلوس للدرس، وكان بيراعي ربنا فيها، وكان حاضر فرحها، وهي كانت غضبانة قبلها بيومين لكن منعرفش ليه.

وواصلت أرملة المدرس المقتول على يد زوج طالبة بالمنوفية تصريحاتها قائلة: الطالبة كانت بتستفز زوجها باستمرار، وبتستغل إنها حلوة وبيسألوها هو لي عمل كدا قالت أصل جوزي بيغير عليا.. وقبلها عرفت إنها هي اللي كلمت جوزها وقالتله أنا رجعت أروح الدروس تاني علشان تستفزه.. عايز حق جوزي.