لماذا يرفض سامي مغاوري مساعدة ابنه كريم في إيجاد فرص له بالأعمال الفنية؟
كشف الفنان سامي مغاوري سبب رفضه مساعدة نجله الفنان كريم سامي مغاوري في إيجاد فرص كثيرة بالتمثيل والمشاركة في أعمال فنية.
وقال سامي مغاوري، خلال لقائه في برنامج كلام الناس مع الإعلامية ياسمين عز: أبناء الفنانين مش بيتظلموا، لكن اللي بيتظلم ولاد الممثلين أو ابن ما يطلق عليه الفنان القدير اللي وصل لمرتبة إنه فنان قدير وفنان وممثل كويس وعلاقاته كويسة وهيستحي إنه يرشح ابنه، لكن ابن النجم من غير كلام لو قال ابني هيشتغل في العمل ده هيشتغل، ومحدش يزعل مني والأمثلة عندنا كتير وفيهم اللي بينجح ويكسر الدنيا والعكس.
وأضاف سامي مغاوري: أنا من فترة لما دخلت نقابة المهن التمثيلية وكنت وكيل النقابة مبقاش عندي كريم واحد، لكن عندي 500 كريم في النقابة ومينفعش أقول شغلوا كريم على الرغم من أن هو خريج معهد ومن أوائل الخريجين وموهوب وبيعمل كل حاجة، لكن لو عملت كده مبقاش راجل أمين على النقابة والناس اللي أدتني سلطة واحترمتني ولو قلت كريم هقول 400 جنبه، لكن هو بيمشي في طريقه ويكافح شوية وكل ما يمشي خطوة بيحقق نجاح.
وتابع الفنان سامي مغاوري: محبش اتكسر قدام حد ولا حد يبقى له جميلة عليا، وكريم واخد فرصته وكافح ومحقق نجاحه بنفسه وهيكون فخور بأبوه إنه بيحترم شغله ومهنته والنقابة.
