البلوجر حسن بيسو المعتدى عليه في عيد ميلاد مريم الحركي: واحد جه خبط فيا افتكرته متسول
يستكمل القاهرة 24 نشر نص تحقيقات قضية التعدي على التيك توكر حسن بيسو في مشاجرة خلال حفل عيد ميلاد البلوجر مريم الحركي في فيلا بالتجمع بالأول.
مشاجرة عيد ميلاد البلوجر مريم الحركي
واستمعت جهات التحقيق لأقوال المجني عليه وجاءت كالآتي:
س: متى وأين حدث ذلك؟
ج: يوم 29 يونيو 2024، في فيلا شرق الأكاديمية بالتجمع الأول في فيلا واحدة صاحبتي اسمها مريم الحركي.
س: وما هي بيانات سالفة الذكر؟
ج مش عارف بصراحة اللي أعرفه إنها اسمها مريم الحركي.
س: ما طبيعة العلاقة بينك وبين المدعوة مريم الحركي؟
ج: صديقة ليا وصاحبة الدعوة إنى أروح أحضر عيد ميلادها.
س: ما مضمون تلك الدعوة تحديدًا؟
ج: هيا طلبت إن الدعوة يكون فيها إن شكل العيد ميلاد أكنه فرح شعبي، وطلبت الحضور بلبس شعبي، قولتلها مش هقدر آجي قالتلي لازم تيجي وكده فا روحت.
س: متى تحديدًا تلقيت تلك الدعوة؟
ج: الدعوة جاتلى على الواتس اب بتاعى قبل العيد ميلاد ب 3 ايام يوم 26 يونيو 2024.
س: هل ذهبت إلى ذلك المكان في ذلك الميعاد؟
ج: أیوه روحت العيد ميلاد ده.
س: هل من ثمة أشخاص كانوا رفقتك أثناء توجهك الحضور عيد الميلاد؟
ج: لا أنا كنت لوحدي.
س: ما الذي حدث أثناء وصولك للمكان سالف الذكر؟
ج: أول ما دخلت لقيت مجموعة شباب معرفهمش بيبصولى وبيشوروا لبعض عليا ومكنتش أعرف هما بيبصوا عليا ليه، وبعديها بشوية حد جه خبط في كتفى ورجع تاني علشان يبينلي إنه خابطني قصد وأنا معملتش حاجة وقولت دا ممكن يكون متسول، فسكت ومعملتش حاجة.
س: ما الذي حدث عقب ذلك؟
ج: بعد شوية جالي واحد تاني معرفش اسمه ادانى كزلك قالى خد اتصور بيه قولتله لا مش عاوز أتصور بيه، قالي خلاص مش هصورك بس خده ارقص بيه، وأنا مسكته قعدت أبص عليه كده لأني أول مرة أمسك حاجة شبهة كده، وبعدين لقيت واحد من الشباب اللي كانت واقفة جالي وبيشد الكزلك من إيدي وبيقولي دا بتاعى قولتله الولد ده هوا اللي إداهوني، قام خدو مني غصب وقالي ابقي قول للي ادهولك محمد عبدون خدو مني.
س: وما الذي دعا سالف الذكر المدعو محمد عبدون للإتيان بتلك الأفعال؟
ج معرفش.
س: ما طبيعة العلاقة بينك وبين المتهم محمود. ص والمتهم سيف.خ؟
ج: أنا معرفهومش وأول مرة أشوفهم في العيد ميلاد.
س: هل أيّ من سالفي الذكر تعدى عليك بالضرب؟
ج: أيوه الـ 2 تعدوا عليا بالضرب واحدثوا إصابتي.
ويذكر أن محكمة جنح التجمع المنعقدة بالتجمع الخامس، قضت بالحبس سنتين للمتهم في واقعة التعدي على التيك توكر حسن بيسو في واقعة حفل عيد ميلاد البلوجر مريم الحركي، كما قضت بالحبس 6 أشهر لمتهم آخر.
