وقفنا معاه عشان غلبان.. اعترافات شريكة شقيق عصام صاصا في قضية تزوير توكيل | خاص
كشفت التحقيقات في واقعة اتهام شقيق مطرب المهرجانات عصام صاصا بالاشتراك مع سيدة تدعى سارة وتعمل منظمة حفلات بتزوير في أوراق رسمية، وتحرير توكيل لشقيقه عصام صاصا الهارب خارج البلاد، أن المتهم اشترك في واقعة التزوير.
اعترافات المتهمة بالاشتراك مع شقيق عصام صاصا في قضية تزوير توكيل
وحصل القاهرة 24 على أقوال أحد المتهمين في القضية وتدعى سارة. خ تبلغ من العمر 37 عاما وتعمل منظمة حفلات وكانت تعمل مقدمة برامج ومقيمة بمدينتي بالقاهرة، وبمثولها أمام جهات التحقيق وسؤالها عن ما هي طبيعة علاقتها بالمتهم عصام صاصا؟
أجابت: عصام أنا بشتغل معاه حصري خارج مصر وعملت معاه أكثر من حفلة في مدينة دبي زيه زي باقي المطربين التانين زي الليثي والبحراوي وحمو بيكا ومصطفى حجاج وحماقي وغيرهم.
س: ما هي طبيعة عملك تحديدا؟
ج: أنا مقدمة برامج وبعمل في مكتب إعلامي بالإمارات، وعندي شركة سارة برودكشين.
س: وما هي مهام تلك الوظيفة تحديدًا؟
ج: بعمل مؤتمرات وبرامج إعلامية في مدينة دبي، أما بخصوص شركة سارة برودكشين فهي متخصصة في تنظيم الحفلات وباخد المطربين وبعملهم حفلات في الكويت والإمارات.
س: وأين تقيمين تحديدًا حاليًا؟
ج: أنا ليا محل إقامة في القاهرة وليا محل إقامة في دبي وبسافر ما بين هنا وهناك.
س: منذ متى وأنت تباشرين ذلك العمل تحديدا؟
ج: بالنسبة لشركة سارة برودكشين فهي من عام 2021 وكنت بعمل برنامج اسمه مهمة صعبة.
س: ما هي طبيعة علاقتك بكل من عصام. ط. ط، ومحمد. ط. ط، ومعاذ و. ع، السيد. م. ش؟
ج: هو عصام أنا بشتغل معاه حصري خارج مصر وعملت معاه أكثر من حفلة في مدينة دبي زيه زي باقي المطربين زي الليثي والبحراوي وحمو بيكا ومصطفى حجاج وحماقي وغيرهم، أما بالنسبة لمحمد. ط أنا ماليش علاقة بيه وعارفة أنه شغال مع عصام، أما بالنسبة لمعاذ. و، فهو مدير أعمال عصام وهو عارف المواعيد بتاع الحفلات اللي تخص عصام عشان كدة بتواصل معاه ومش معايا رقم محمد. ط، معايا رقم معاذ بس، أما السيد محمود فهو صديق وكنت على تواصل معه علشان بكلمه بخصوص المطربين والمطربين بيقعدوا عنده كلهم وهو صديق لهم.
س: منذ متى نشأت تلك العلاقة بسالفي الذكر؟
ج: عصام ومعاذ من سنتين تقريبًا، أما السيد أنا عرفته من خلال حادثة عصام لأنه كان بيحل المشكلة مع أهلية المتوفى في الحادث.
س: ما هي طبيعة علاقتك بكل من طلعت.أ. م. وإيهاب أبو الفتوح، ومحمود. ا. ع، وحسني. س. ا، ومحمود. ح، وأحمد. إ. ا؟
ج: أنا معرفش حد فيهم غير إيهاب أبو الفتوح.
س: ما كيفية معرفتك بسالف الذكر تحديدا؟
ج: أنا من سنتين تقريبًا قابلته في معرض عربيات في المهندسين وعرفني عليه وقالي إيهاب بيعمل توكيلات أو بيشتغل في الشهر العقاري مش فاكرة بالظبط وبيعملنا توكيلات للمعرض.
س: وهل تواصلتي مع سالف الذكر عقب ذلك؟
ج: أيوه هو أنا كلمته قبل كده بعد لما قابلته أو هو كلمني مش فاكرة وكان بيبعتلي على
الواتس أب جمعة مباركة وغيرها من المناسبات والأعياد.
س: وهل يوجد علاقة بينك وبين محمد. ح. م. ح؟
ج: أيوة أنا أعرفه من خلال الميديا وكان في واحدة صاحبتي كان عندها موضوع وروحتله مع صاحبتي من ثلاث سنوات، وروحتله ساعة حوار حادثة عصام صاصا مرة واحدة بس بناء على طلب عصام لما قالي روحيله علشان تشوفي هو هيعمل إيه في القضية بتاعتي، والكلام ده مش فاكرة امتى.
س: ما هي معلوماتك بشأن الواقعة محل التحقيق؟
ج: أنا كل اللي أعرفه أن أنا سمعت من السوشيال ميديا أن فيه مشكلة في التوكيل بتاع عصام صاصا وأنه فيه تزوير في الموضوع، وعرفت بعد كدة لما الناس جت اتسألت في النيابة وأن النيابة بتسأل عليا.
س: وهل كنت رفقة المتهم عصام. ط. ط. م. بتاريخ 6-5-2024 حال ارتكابه واقعة القتل الخطأ والتعاطي؟
ج: كل الوسط الفني راح لعصام صاصا قسم الشرطة ساعة الواقعة دى عشان نقف جنبه وعلشان هو غلبان ومالوش حد غيرنا.
س: وما هو قرار النيابة العامة الذي صدر بشأن واقعة عصام صاصا؟
ج: هي النيابة العامة أخلت سبيل عصام ساعتها.
س: وهل أبصرتي المتهم عصام. ط. ط بعد إخلاء سبيله من النيابة العامة؟
ج: أيوه أنا وهو ومراته وأخويا سافرنا كلنا على مدينة دبي عشان كانت فيه حفلة.
س: ومتى تحديدًا غادرتم البلاد؟
ج: إحنا غادرنا البلاد بتاريخ 9-5-2024 الساعة 5 الصبح.
س: ومتى تحديدا عدتى للبلاد تحديدا؟
ج: أنا قعدت ساعتها 10 أيام تقريبا ورجعت.
س: وهل عاد المتهم عصام. ط. ط. م آنذاك؟
ج: لا هو مرجعش معايا
س: وهل سالف الذكر على علم بقرار ضبطه وإحضاره؟
ج: معرفش هو عارف ولا لا.
س: وما قولك بما قرره المتهم طلعت. أ. أ بتحقيقات النيابة العامة بأنك القائمة بالتواصل معه هاتفيًا والاتفاق معه على تحرير التوكيل الرقيم 965/ أ لسنة 2024 توثيق مكتب النواب تلونا باقي أقواله تفصيلًا عليها؟
ج: هو عصام ساعة الحادثة دي قالي أنا عايز رقم حد بيعمل توكيلات فأديته ساعتها رقم إيهاب وبعدها وأنا مسافرة دبي كلمني إيهاب وقالي إن فيه مشكلة في التوكيل قولتله وأنا مالي.
س: وما تعليلك لما ذكره سالف الذكر؟
ج: أنا مبنكرش إني تواصلت معاه بس أنا كلمته عشان عصام قالي إنه هو عايز يعمل توكيل ومعليش دعوة هو حصل مشكلة ولا لا.
س: وهل كنتي على علم بأن المدعو عصام صاصا خارج البلاد آنذاك؟
ج: أنا مكلمتوش وأنا خارج البلاد كنت فمصر ساعتها.
س: هل يوجد بينك وبين سالف الذكر ثمة خلافات حتى يدعي ذلك عليك؟
ج: أنا معرفهوش للدرجادي حتى يكون بيني بينه خلافات.
س: وما قولك بما ثبت بالاطلاع على هاتف سالف الذكر بوجود رقم هاتفك مسجل باسمك على هاتفه الخلوي ووجود رسائل مرسلة إليكي لهاتفك على تطبيق الواتس أب؟
ج: أيوه فعلا هو بيبتعلي الرسايل دي زي ما قولت.
س: وما قولك بما ثبت بالاستعلام الوارد من شركات المحمول بوجود اتصال هاتفي بينك وبينه من رقم هاتفك وهاتف سالف الذكر في غضون شهر 12/ 2023؟
ج: هو ده اللي حصل وقولته فعلا بالنسبة للرسايل.
س: ما قولك بما ثبت بتقرير أبحاث التزييف والتزوير وبتقرير مصلحة الأدلة الجنائية بأن المتهم عصام. ط. ط. م ليس هو القائم بالتوقيع والبصم على أصول التوكيل رقم 956 لسنة 2024 مكتب توثيق مجلس النواب وإنما القائم بذلك هو المتهم محمد. ط. ط. م؟
ج: أنا معرفش أي حاجة عن الموضوع ده.
س: إذا ما قولك بما قرره المتهم محمد. ط. ط. م من أنك القائمة بالاتفاق معه على التوجه لمقابلة المتهم سالف الذكر واستلام تلك الأوراق منه تلونا باقي أقواله تفصيلا عليها؟
ج: الكلام ده مش صحيح ومحصلش.
س: وما تعليلك لما قرره سالف الذكر؟
ج: أنا معرفهوش ومعرفش هو بيقول كده ليه.
س: وما قولك بما قرره سالف الذكر بجلسة تحقيقات بتاريخ 13/7/2024 من أنك القائمة
بالتخطيط والاتفاق معه ومع باقي المتهمين على ارتكاب تلك الواقعة؟
ج: محصلش الكلام ده.
س: وهل يوجد خلافات بينك وبين سالف الذكر؟
ج: لا أنا معرفهوش أصلا ومكلمتوش نهائيا.
س: وما تعليلك لتوافق أقوال كل من إيهاب. أ ومحمد. ط. ط. م بتحقيقات النيابة؟
ج: هو أنا زي ما قولت أنا اديتهم رقم إيهاب فعلا بس أنا مكلمتش محمد ومقولتلوش أي حاجة.
س: ما قولك بما ثبت بمحضر المشاهدة المرفق بالأوراق بإرسال المدعوة فوزية. ج بتاريخ 10/5/2024 الساعة الثامنة والنصف مساء رقم المدعو إيهاب. أ وصورة بطاقة عصام صاصا وتوقعياته؟
ج: أنا معرفش حاجة عن الرسايل دي ومعرفش مين فوزية دي ومفيش بيني وبينها أي علاقة.
س: ما قولك بما شهدت به المدعوة فوزية. ج. و. ع من أنك القائمة بالتواصل مع
المتهم محمد. ط. ط. م والاتفاق معه على التوجه لاستلام ذلك التوكيل وأنك القائمة
بإرسال بيانات المتهم طلعت. أ. أ وصورة بطاقة تحقيق الشخصية لعصام. ط. ط
وتوقيعاته تلونا باقي أقوالها تفصيلا عليها ؟
ج: أنا معرفش عنه أي حاجة.
س: وما تعليلك لما ذكرته سالف الذكر؟
ج: أكيد بتقول الكلام ده عشان خاطر جوزها.
س: هل يوجد بينك وبين سالفة الذكر ثمة خلافات حتى يدعي ذلك عليك؟
ج: لا أنا مفيش بيني وبينها أي خلافات ومعرفهاش أصلا
س: وما قولك بما ثبت بشهادة التحركات بأنك غادرتي البلاد في تاريخ 9/7/2024؟
ج: أنا كانت عندي حفلة يوم 10/7/2024 ورجعت.
