استولوا على أموال العملاء.. التحقيق مع المتهمين بشركة روسكا جروب للجمعيات
تجري جهات التحقيق المختصة، التحقيقات مع عدد من المتهمين من شركة روسكا جروب للجمعيات، لاتهامهم بالنصب على عدد من العملاء واستيلائهم على أموال العملاء متمثلة في أقساط دفعوها عبر تطبيق الشركة.
التحقيق مع المتهمين بروسكا جروب للجمعيات
وألقت الأجهزة الأمنية القبض على عدد من المتهمين من شركة روسكا جروب للجمعيات، لاتهامهم بالنصب على عدد من العملاء.
وكشفت التحريات الأولية أن شركة روسكا جروب للجمعيات استولت على أموال العملاء متمثلة في أقساط دفعوها عبر تطبيق الشركة.
وقالت إحدى المتضررات من شركة روسكا جروب للجمعيات: أنا مشتركة في شركة روسكا منصوب عليا في 94350 جنيه وكنت المفروض أقبض في شهر 7 قالولي أوراقك مزورة، جيت أكلمهم في التليفون قلت لهم أوراق إيه اللي مزورة، كل ده معايا بالمكالمات بالرسائل.
وأكمل متضرر آخر من شركة روسكا جروب للجمعيات: أنا مشترك مع الشركة من شهر 6 ومعادي أقبض في شهر 8 الحالي، ولما لقيت الناس بتقول إنها ما قبضتش شهر 7 ما رضتش أدفع شهر 7، ولما كلمتهم استفسر عن اللي بيحصل ده قفلوا السكة في وشي كلمتهم تاني يرجعوا لي القسط بتاعي، قالولي هتدفع غرامة.
وقال متضرر آخر من شركة روسكا جروب للجمعيات لـ القاهرة 24 أنه اشترك في الجمعية، وكان من المقرر أن يقبض في شهر سبتمبر المقبل، قائلا: أنا معاد قبضي في 9 ودفعت 3 أقساط والرابع بتاع شهر 7 مدفعتهوش بس الناس مخدتش ولا جمعية ولا أقساط بتاعتها.
كما انتقد أحد المتضررين من روسكا جروب للجمعيات قائلا: الشركة من شهر يونيو مش بتقبّض العملاء وبتخرجهم بحجج مختلفة من المفروض حتى لو عندك عميل عنده مشكلة من المفروض ترفضه من أول ما بيرفع بياناته على الأبلكيش مش تقبلوا وتستفيد بالفلوس.
