مخرج فيلم البحر الأسود: نجمات ترشحن للبطولة قبل يسرا اللوزي ومتوفقناش بسبب الأجور
كشف علاء الدين مصطفى، مخرج فيلم البحر الأسود، عن الصعوبات التي واجهت فريق العمل خلال تحضيرات وتصوير المشاهد، بجانب الحديث عن النجمات اللاتي ترشحن لدور البطولة قبل الفنانة يسرا اللوزي.
وقال علاء الدين مصطفى، في لقائه مع القاهرة 24: أصعب حاجة واجهتنا في الفيلم هو اختيار النجوم والأبطال المناسبين للعمل، وكمان اختيار أماكن التصوير.
وتابع مخرج فيلم البحر الأسود: كان في 2 نجمات مرشحين لدور البطولة قبل يسرا اللوزي، ومتوفقناش بسبب المواعيد والأجور، ولكن بسرا كانت مسهلة ده لينا، وأنا بحب يسرا والدور بينادي صاحبه.
تفاصيل فيلم البحر الأسود
وسبق وكشف علاء الدين مصطفى، مخرج فيلم البحر الأسود، تفاصيل العمل خلال لقائه مع القاهرة 24، قائلًا: فيلم البحر الأسود من أصعب التجارب اللي مريت بيها في حياتي، خاصة أني في أول الفيلم قولت هبطل خالص بعد كده، لأن التجربة كانت صعبة جدًا والفيلم مكنش سهل أنه يطلع للجمهور.
وأضاف: حاولت ألف على منتجين من البداية وده مش سهل أنه يبقى موجود خالص، ولكن الحمد لله قدرنا وصورنا اللي عايزينه الحمد لله، فكرة الفيروس في الفيلم مش زي كورونا خالص ومش بينتقل بالعين هو مرض لو جه في العين بتبقى كارثة وحظر تجوال ولو نزلت الشارع هتموت، ومتوقع أن الجمهور يستقبل الفيلم بشكل كبير ويقدر المجهود.
