زوجة عريس الدقهلية في التحقيقات: مكنتش أعرف حاجة عن المقلب.. والعربية اللي اتخطف فيها جوزي عربيته| خاص
انتشر خلال الأيام الماضية فيديو لعريس الدقهلية خلال حفل زفافه، الذي مثل خلاله كأنه يتعرض للاختطاف من قبل مجموعة من الأشخاص مما أثار حالة من القلق بين مستخدمي مواقع التواصل، وتبين فيما بعد أنه يوتيوبر صاحب قناة تدعى جمهورية أحمد وأمل، وكان غرضه من الفيديو تحقيق الربح.
أمل زوجة عريس الدقهلية
حصل القاهرة 24 على نص التحقيقات مع المتهمة أمل زوجة المتهم الأول في القضية المعروفة إعلاميا بـ عريس الدقهلية.
وقالت المتهمة خلال التحقيقات:-
اللي حصل إن يوم الخميس كان فرحي أنا وأحمد.ج بمنية النصر وبعد الفرح لما خلص وإحنا ماشيين أحمد ركبني العربية ولما كان بيلف علشان يركب جمبي اتخطف في عربية والعربية طلعت تجرى وإحنا قعدنا نحاول نلحق العربية بس ملحقناش.
وأضافت: إحنا روحنا البيت وصورنا الفيديو علشان الناس تحاول تساعدنا وبعد كدة أحمد كلمني وقالي إن هو كان عامل مقلب وأن دا كله هزار.
وتابعت: أنا وأحمد عملنا القناة من 3 سنين عشان نكسب منها فلوس، ومكنتش أعرف أي حاجة عن المقلب ده، بس أحمد عمله من باب الهزار والضحك، وبننشر على القناة مقالب وتحديات، والعربية اللي اتخطف بيها جوزي دي عربيته.
