صديق عريس الدقهلية في التحقيقات: أحمد لما عرف إن الدنيا اتقلبت نشر فيديو وقال أنه مقلب| خاص
يواصل القاهرة 24 نشر نص التحقيقات مع المتهمين في الواقعة المعروفة إعلاميا بعريس الدقهلية.
عريس الدقهلية
وانتشر فيديو خلال الأيام الماضية، آثار ذعر وقلق المجتمع وأهالي الدقهلية، أذ مثل العريس المتهم أمام أسرته بأنه تم اختطافه، ونشر الفيديو عبر السوشيال ميديا، وتبين بعد ذلك أنه يوتيوبر ونشر الفيديو ليحصل على ربح عن طريقه.
وقال صديق المتهم عريس الدقهلية في التحقيقات:
اللي حصل إن أنا كنت في فرح أحمد.ج صاحبي وكنا متفقين أن لما الفرح يخلص وأحمد مروح نعمل مقلب في أهلة أننا خطفينه وبعد كده روحنا رأس البر.
وأضاف: أحمد لما عرف إن الدنيا اتقلبت نشر الفيديو اللي كنا مصورينة قبل كدة في العربية وأحمد بيشرح أنه هيعمل مقلب يوم الجمعة بعد الفرح بتاعه، وأنا كنت معزوم في الفرح وأحمد كان متفق معايا على المقلب.
وأكمل: أحمد كان متفق معايا قبل الفرح أنا وواحد صاحبنا اسمه محمود إن هوا هيعمل ترند بعد الفرح أن هو مخطوف، والناس هتصور اللي بيحصل بس محمود مجاش الفرح، وأحمد قال أنه هيسوق العربية وأنا هبقى راكب ورا في العربية وهشد أحمد جوة العربية مرة واحدة كانه اتخطف.
وواصل صديق عريس الدقهلية: الموضوع جه معانا بالصدفة لأن أحمد مصور الفيديو قبل الفرح بكام ساعة بس، وأنا مليش دعوة بالصفحة ومباخدش منها فلوس.
