اعترافات نجل الفنان أحمد رزق بالتحقيقات في دهس عامل دليفري: مكنتش قاصد أموته.. والحادث قضاء وقدر| خاص
قضت محكمة جنح أكتوبر، بانقضاء الدعوى المتهم فيها نجل الفنان أحمد رزق، في قضية اتهامه بدهس عامل دليفري بدراجته النارية داخل كومبوند بمدينة 6 أكتوبر.
اعترافات نجل الفنان أحمد رزق بالتحقيقات
وحصل القاهرة 24 على تحقيقات نجل الفنان أحمد رزق المتهم بدهس عامل دليفري بحادث تصادم دراجة نارية على طريق أكتوبر، أمام أحد الكمبوندات بالشيخ زايد، وتسبب نجل الفنان أحمد رزق في إصابة عامل دليفري بإصابات بالغة ووفاته في وقت لاحق.
وقال المتهم نجل الفنان أحمد رزق خلال التحقيقات: اللي حصل إني كنت راجع الساعة 12 مساء من ماركت شهير متواجد ببالم هيلز ووصلت على طريق بالم باركس وكان معايا واحد صاحبي اسمه عمر. م، والشارع عبارة عن اتجاه واحد وأنا كنت ماشي بالموتوسيكل الكهربائي بتاعي لقيت موتوسيكل دليفري جاي في وشي ومسكت يمين، لقيته هو راح مسك شماله مرة واحدة وكدا بقينا في وش بعض، وبعد كدا روحت أنا ماسك شمالي راح هوا مسك يمينه وبقينا في وش بعض تاني ودخلنا في بعض ووقعنا.
وأضاف نجل الفنان أحمد رزق خلال التحقيقات: أنا أول واحد فوقت فيهم لقيت سواق الدليفري وصاحبي واقعين في الأرض ومغمى عليهم، ولقيت سواق الدليفري تليفونه مفتوح وفاتح لوکیشن وحاولت أفوقه بس معرفتش، وكان فيه واحد صاحبي بيرن على عمر طلعت اللي كان معايا، رحت أنا قولتله إن حصل حادثة بعدها لقيت الناس اتجمعت وطلبوا الإسعاف وخدونا ودونا على المستشفى وعملت عملية تركيب شرايح ومسامير في الذراع اليمنى وركبت 8 مسامير وقعدت بايت في المستشفى وجيت النهاردة على النيابة.
وأضاف: أنا عندي ألم بالساعد الأيمن وكدمات متفرقة بالجسم وكسر أسفل عظمة الكعبرة اليمنى وتم تثبيته، والحادث قضاء وقدر وهو أكيد مكنش يقصد ولا أنا كنت قاصد أصيبه، وإحنا الاتنين حصل فينا إصابات وأنا كنت ماشي في طريقي صح، والشارع اتجاه واحد والاتجاه التاني كان متكسر وأنا كنت ماشي في الاتجاه الصح.
