والد ضحية نجل أحمد رزق بالتحقيقات: مدير أعمال الفنان جابلي 60 ألف جنيه لدفع تكاليف عملية ابني| خاص
قضت محكمة جنح أكتوبر، بانقضاء الدعوى المتهم فيها نجل الفنان أحمد رزق، في قضية اتهامه بدهس عامل دليفري بدراجته النارية داخل كومبوند بمدينة 6 أكتوبر.
نجل الفنان أحمد رزق
وحصل القاهرة 24 على نص التحقيقات في قضية نجل الفنان أحمد رزق المتهم بدهس عامل دليفري في حادث تصادم دراجة نارية على طريق أكتوبر، أمام أحد الكمبوندات بالشيخ زايد، وتسبب نجل الفنان أحمد رزق في إصابة عامل دليفري بإصابات بالغة ووفاته في وقت لاحق.
الفنان أحمد رزق
قال والد المجني عليه ضحية حادث نجل الفنان أحمد رزق: اللي حصل إن يوم 28 مايو الماضي الساعة ١ صباحا كنت نايم في البيت حد اتصل بيا من تليفون ابني وقالي صاحب التليفون عامل حادثة ومدمر وعشان ابني شغال مع عمه اتصلت على عمه وقولتله إن فيه حد كلمني وبيقول إن ابني عامل حادثه روح شوف فيه إيه.
وأضاف والد المجني عليه ضحية حادث نجل الفنان أحمد رزق: بعد ما أخويا راح اتصل بيا ولقيته بيعيط وقالي تعالي حصلنا على مستشفى زايد التخصصي روحت لمستشفى زايد ودخلت الاستقبال لقيتهم بيعملوا إشاعات لابني وبعد ما عملوا الإشاعات لقيت الدكتور بيقولي شرخ في الجمجمة وتزيف داخلي وعمل على إيقاف النزيف.
وأكمل: الدكتور قالي لازم رعايا عشان نطمن على بقية أجهزة المخ وبعدها عرفت إن فيه رعايا في مستشفى الواحة بأحمد عرابي في المهندسين روحناه بيه على هناك بواسطة إسعاف مجهزة وساعتها أنا روحت النيابة أخلص إجراءات هناك وابني دخل الرعايا.
واختتم حديثه: سألت دكتور الرعايا قالي لسه هنشوف وهنتواصل معاك وبعدها الدكتور كلمني وقالي إن دكتور المخ والأعصاب شافه ومحتاج عملية ضروري وبعدها جمعت إخواتي وجمعت منهم فلوس وروحنا ولقيت إن العملية هتتكلف 75 ألف جنيه جمعت اللي أقدر عليه حوالي 15 ألف جنيه ولقيت مدير أعمال الأستاذ أحمد رزق كلمني وجابلي ستين ألف جنيه بقية المبلغ وجالي وابني دخل العمليات بعدها والحالة استقرت ولسه فيه رعايا وبعدها روحت البيت ومدير أعمال الأستاذ أحمد رزق بيكلمني كل شويه يطمن عليا.
