بعد عودتها لزوجها.. أم خالد: معداش 24 ساعة واضربت واتسرقت واتسحلت
بعد انتشار أخبار عن عودة أم خالد لزوجها، وذلك بعد نشوب مشاكل بين الثنائي، تحدثت أم خالد عن تعرضها للضرب والسرقة من زوجها.
أم خالد تتعرض للضرب بعد عودتها لزوجها
وفي فيديو عبر حسابها الشخصي بفيس بوك، قالت أم خالد، معداش 24 على رجوعي لزوجي محمد، أنا اضربت واتسرقت واتسحلت، واتفرج عليا الناس، ودنيتي مبقاش فيها أمان خالص.
وواصلت: وأنا بطلب منكم، أنكم تدعولي دعوة حلوة، عشان أعدي الفترة ديه على خير، وإن ربنا يقويني على تربية أولادي، وإني أعدي الفترة ديه على خير.
وقبل ظهورها الأخير، أعلنت أم خالد عودتها لزوجها محمد في فيديو قالت فيه: مش عارفة أجيبهالكم إزاي، بس أنا رجعت لزوجي قائلة: أنا مختفية بقالي يومين من السوشيال ميديا، بس كان معادي عند المأذون يوم الخميس، وكان كل واحد هيروح لحاله بالورق الرسمي.
أم خالد تعلن انفصالها: نصيبنا خلاص انتهى
وفي وقت سابق، قالت أم خالد عبر الفيديو: الفترة الأخيرة كان فيه مشاكل بيني وبين زوجي محمد، وأنا مش بتاعة تريندات، ومش محتاجة أعمل تريند عشان أجيب مُشاهدات، وعمري ما كنت أتخيل إني أطلع أقولكم كدة.
وأوضحت أم خالد: إحنا نصيبنا خلاص انتهى ووقف لحد هنا.. وله مني كل التقدير والاحترام، لأني مشفتش منه غير كل حب وخير، ودلوقتي بدور على بيت تاني عشان أعيش فيه أنا وعيالي خالد وريان.
