هاني شنودة: بسمع الأغاني بـ آذان تحليلية.. وبحضر لألبوم فيه أغنية راب
كشف الموسيقار هاني شنودة، عن تحضيراته لعمل ألبوم جديد برفقة فرقة المصريين، سيحتوي على أغنية راب، مؤكدًا أنه متابع جيد لجميع الألوان الموسيقية.
وقال هاني شنودة، في تصريحاته لبرنامج عرب وود: أنا بسمع كل حاجة بـ آذان تحليلية، أنا مش بسمع أغنية علشان أحلل اللي عملوه في الأغنية، وبنعمل ألبوم جديد وهيكون فيه حاجة زي الراب.
هاني شنودة: ممكن أقدم عمل فني عن فرقة المصريين.. ومبقدمش أعمال فيها أي إساءة
وسبق وكشف الموسيقار هاني شنودة، تفاصيل مشاركته في مهرجان للجاز بفرقة المصريين، حيث قال في لقائه مع القاهرة 24: تحية الجمهور لينا في الحفل لو يجوز إن إحنا نقول إنها كانت زيادة عن اللازم فهي كانت زيادة، طبعًا مفيش حاجة اسمها كده، بس ده الإحساس، واللي غنوا معايا دول نجوم، وأنا شاكر ليهم إنهم بيحييوا تراث المصريين، والعازفين على أعلى مستوى، ولازم الجمهور برده يبقى على أعلى مستوى.
وأضاف هاني شنودة: لو أتعرض عليا أعمل قصة فرقة المصريين في فيلم أو مسلسل هعملها طبعا.. وأنا هعمل الموسيقى التصويرية، معربًا عن سعادته بأن أغاني الفرقة مستمرة مع الجيل الحالي.
كما تحدث هاني شنودة، عن لقائه مع المطرب المقنع توو ليت، قائلًا: جالي الاستوديو قعدنا مع بعض ولعبنا سوا وهو راجل ظريف جدا، وعن تعاوني معه، فالموضوع طبعا بياخد وقت واختيار حاجات وكلام يليق، وخاصة إن أنا مش بعمل كلام في أي إساءة لأي حد، أنا ملحن ورقابة في نفس الوقت.
