واقعة جديدة.. فتاة تزعم اعتداء شاب الأتوبيس على شقيقتها يوليو الماضي: زق نفسه عليها قصد
كشفت فتاة، تدعى “ل. ش”، عن تعرضها هي وشقيقتها، لمضايقات ومحاولة التعدي عليها، من قبل نفس الشخص الذي تصدر التريند خلال الساعات القليلة الماضية بسبب محاولة تعديه على فتاة تُدعى مريم شوقي، داخل المواصلات العامة.
فتاة تزعم اعتداء شاب الأتوبيس على شقيقتها يوليو الماضي: زق نفسه عليها قصد
وزعمت ل. ش: نفس الشخص كان بيحاول يتحرش بيّا أنا وأختي وراجل كبير في السن كان راكب ورانا قالنا خالوا بالكوا، ولما لاقاني مركزة معاه قال للسواق على جنب ونزل بسرعة، حسبي الله ونعم الوكيل، وربنا يجيب حق البنت اللي تعرضت للموقف دا امبارح، ويطمن قلبك عشان المواقف دي بتوجع القلب أوي، وربنا يحفظك ويحميكي ويحمي كل بنت يا رب.
وادعت ل. ش، فتاة تعرضت لمضايقات من نفس الشخص الذي ظهر بفيديو التحرش بالموصلات العامة، قائلة: كنا يوم 8-7-2025 راكبين الأتوبيس من المظلات، والشخص دا ركب من نص الطريق، وكان بيزق نفسه على أختي قصد، وكان فيه راجل كبير في السن راكب ورايا، وقالي الأستاذة اللي قدامك قوليلها تخلي بالها عشان الشاب دا بيحاول يتحرش بيها، قولتله تمام وشكرًا أن حضرتك قلت.. والمتحرش خد باله وشافني مركزة أوي معاه، راح قال للسواق علي جنب ونزل جري كان ماسك فايل ولابس شنطة كروس وكان بيستغلها وبيتحرش من خلالها، المواقف دي بتجيب فوبيا للبنات، وأشكال المتحرشين مش بتتشال من دماغهم أبدا.
