إبراهيم حسن: في النادي الأهلي مكنش ينفع نقول عايزين كذا.. وكنا بناخد في الزمالك 225 ألف جنيه
كشف إبراهيم حسن، مدير منتخب مصر الأول لكرة القدم كواليس بداياته في عالم كرة القدم، وذلك في حوار خاص وحصري مع الإعلامي سيف زاهر عبر قناة أون سبورت.
تصريحات إبراهيم حسن
وقال إبراهيم حسن في تصريحات مع الإعلامي سيف زاهر: أنا وحسام مع بعضنا دائمًا ووالدي توفي واحنا صغيرين، وفكرة إننا نلعب كرة القدم مكنتش في دماغه خالص، وروحنا اختبارات لـ الأهلي من غير ما نقول لـ أهلنا، لحد ما اتفاجئوا أننا بنقولهم اننا نجحنا في الاختبارات واتقبلنا في النادي الأهلي.
وأضاف: فلوس الاستمارات جمعناها من نفسنا وكنا محوشين حق الاستمارة في الإجازة وكانت بـ جنيه، واشتغلت أنا وحسام في فرن عيش برمضان عشان نجيب استمارة اختبارات الأهلي وأحذية الكرة.
وأشار إبراهيم حسن في تصريحاته: كنت زعلان إن كابتن عادل طعيمة عايز يلاعبني ظهير أيمن، ورحت قلت لـ كابتن زيزو إني زعلان، ولكن كابتن عادل طعيمة الرؤية بتاعته كانت صح لأنه قالي هتروح منتخب مصر كـ ظهير أيمن، ولعبت في كل المراكز مع الأهلي ولم نخسر أي بطولة خلال تواجدنا في ناشئي الفريق.
وأردف: لو مكناش لاعبين كرة كنا بقينا طيارين حربيين.
وأتم إبراهيم حسن تصريحاته: في النادي الأهلي مكنش ينفع نقول عايزين كذا، وكابتن صالح سليم طلّع 40 ألف جنيه ومتكلمناش في زيادة لأننا عندنا احترام، وفي نادي الزمالك كنا بناخد 225 ألف جنيه، ودا كان سنة 2000 لحد 2004 وكنا بناخد في السنة 225 ألف جنيه “لكل لاعب فينا أنا وحسام”.
