محمود الليثي: حمو بيكا أطيب إنسان في الكوكب وأنا اللي طلعت عمر كمال على إيدي | فيديو
تحدث المطرب الشعبي محمود الليثي، عن رأيه في أغاني الراب، مؤكدًا أنها تعتبر عالمية، وعبر عن حبه الشديد لمطربي الراب ومنهم ويجز وبابلو ومروان موسى.
وقال الليثي خلال ندوته بموقع القاهرة 24: أغاني الراب عالمية ومحدش ليه دعوة لأن الأرزاق بالله الراب زيه زي أي مزيكا حلوة الناس بتسمعها.
وأضاف محمود الليثي: بحب بابلو وعفروتو ومروان موسى وأبو يوسف وبسيوني وبعشق ويجز وكلهم حبايبي وبيحبوني، وبحب فيهم أنهم مركزين في شغلهم ومش شاغلهم حد.
إلى جانب ذلك تحدث المطرب الشعبي عن حبه الشديد لمطربي المهرجانات قائلًا: بعشق حمو بيكا لأنه أطيب إنسان ممكن تقابليه في الكوكب بعد شعبان عبد الرحيم الله يرحمه، وبموت في حسن شاكوش لأنه رجولة وجدع، أما عمر كمال ابني والحتة بتاعتي القصيرة وأنا اللي مطلعه على إيدي.
محمود الليثي يتحدث عن والده
من ناحية أخرى، تحدث محمود الليثي عن والده، مشيرًا إلى أنه كان شيخًا ورباه على الصلاة والخوف من تركها، قائلًا: أبويا كان بيأكلنا حلال وبيخاف علينا، وماكنش هامه حاجة غير سعادتنا وما كانش بيفرق بيني وبين أخواتي، ومع أنه كان أبسط من البساطة، ولكن الفقير فقير تفكير.
ورد الليثي على بعض الانتقادات التي توجه للمطربين قائلًا: أنت لما تجبني فرحك بيكون علشان أبسطك، وبقدم لك أغاني علشان تفرح، لأن الفرحة مكانها القلب وربنا ملك القلوب، وطالما مش بعمل حاجة تضر الناس ولا تخدش الحياء والأدب يبقى أنا في حمى ربنا.
