عايدة فهمي: مهنة الفن متعبة وصعبة.. ومش باخد فلوس على المجهود اللي بعمله
أكدت الفنانة عايدة فهمي، أن مهنة الفن تحمل الكثير من الصعوبات على عكس ما يتصوره البعض، وأن معظم الفنانين لا يتقاضون الأجر المرتفع كما يعتقد الكثيرون عبر مواقع التواصل الاجتماعي.
وقالت عايدة فهمي، في تصريحات لـ القاهرة 24: مهنة الفن صعبة ومتعبة، والناس اللي بتقول النجوم بياخدوا فلوس قد كده، شوفوا النجوم السوبر ستار اللي زي أمير كرارة تعالوا شوفوا بيتعب قد إيه.
وتابعت عايدة فهمي: وأيضا محمد رمضان الناس اللي بتقول بياخد ملايين شوفوا بيتعب قد إيه مش أي حد هيقدر يعمل المجهود اللي الناس دي بتعمل.
وأضافت عايدة فهمي: الفنان علية أقساط، وعنده مصاريف ومتطلبات، أنا مثلا مش بقبض كتير على عكس المجهود اللي بعمله أعتبر مش بأخد فلوس، ولكن بحب المهنة والفن والمال عندي في المرتبة الثانية.
عايدة فهمي في رمضان 2023
شاركت عايدة فهمي في موسم دراما رمضان 2023 بثلاثة أعمال درامية دفعة واحدة، حيث أنها شاركت في مسلسل سوق الكانتو مع الفنان أمير كرارة ومي عز الدين وجسدت دور والدة أمير كرارة، بالإضافة إلى تعاونها مع الفنانة روجينا في مسلسل ستهم، هذا إلى جانب انضمامها لأبطال مسلسل عملة نادرة مع الفنانة نيللي كريم.
