زوجة الفنان محمد محمود: لما جالي كورونا كان بيبكي قدام الناس | فيديو
كشفت ماجدة علي عن ردة فعل زوجها الفنان محمد محمود خلال فترة أزمتها الصحية، كما تحدثت عن العلاقة القوية التي تجمعها مع زوجها الفنان.
وقالت ماجدة علي زوجة الفنان محمد محمود، على هامش ندوة توقيع كتابه بدار الأوبرا المصرية: أنا عايز أقول إن محمد محمود الناس فاكراه كوميديان في البيت، ولكن في البيت لأ خالص، بيبقى جد جدًا، وعميق التفكير، والكوميديان بيبقى عميق التفكير مش زي الناس فاكره، ولما بيضحك زي الطفل الصغير، وطول الوقت بيبقى مهموم بينا.
وتابعت: أنا شاهدتي فيه كفنان مجروحة، وهو كأب أنا وولادي بندور في عقله، وحياتنا متوقفه عليه، وإحنا ارتباط كتير جدًا، وهو عمال يهزر، أما جالي كورونا كان بيبكي قدام الناس، وكان خايف عليا جدًا، فضل مهتم بمستقبل الولاد.
واختتمت زوجة محمد محمود: الحمد لله ولادنا اتنين خريجين معهد سينما، ودخل المعهد بعد 3 سنين، ومحمود مخرج إعلانات ونحات، ونهال من أهم الستايلست من مصر، وقعدت 14 سنة إجازة في البيت وبعد كده اشتغلت، ومحمد طول الوقت مهموم بينا، والحمد لله زرعنا وحصدنا.
محمد محمود: لما مراتي تعبت كنت بعيط زي الأطفال
وكان الفنان محمد محمود تحدث عن رد فعله عند دخول زوجته للمستشفى، إذ قال: حياتي بفضل الله مفهاش مطبات صعبة، وأعتقد متنفعش تبقى قصة أو فيلم، وأصعب لحظة في حياتي لما مراتي جالها جلطة في المخ، وكنت ببكي زي الأطفال.
وأردف: تاني مرة لما جالها كورونا، قامت من النوم قالت إن هي حلمت بآية من القرآن معناها الموت، قالت كده وتاني يوم طلع عندها كورونا، واترعبت.
