بحضور الخشت وخالد الجندي.. عقد قران ابنة الدكتور حسام موافي
عٌقد قران مريم ابنة الدكتور حسام موافي أستاذ الحالات الحرجة بكلية طب قصر العيني، مساء اليوم، وسط حضور العديد من المشاهير.
عقد قران ابنة الدكتور حسام موافي
وحضر عقد القران الدكتور محمد عثمان الخشت رئيس جامعة القاهرة، والشيخ خالد الجندي وسعد الهلالي، ورجل الأعمال محمد أبوالعينين.
كلمة والد العروس
وقال الدكتور حسام موافي خلال عقد القران: الشعور اللي أنا حاسس بيه معرفش أوصفه، هل أنا سعيد ولا متاخد، لكن أنا هقول للعروسة والعريس كلمتين.
وأضاف: مرة كنت مع الشيخ خالد الجنيد في فرح، وقال للعريس والعروسة عقد الزواج هو عقد تنازلات من الطرفين، اللي مش قادر يتنازل ميتجوزش.
وأكمل: المشاكل الزوجية بتحصل من عدم التنازل، ياريت تبقى تتكتب بند من بنود العقد، مستكملًا: كنت بقرأ القرآن ولاقيت آية جميلة جدًا بتقول وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ، سألت نفسي يعني آية قالت معجزة، وإن اتنين يعيشوا مع بعض دي معجزة.
وواصل: لو روحنا نحج 10 أيام بنيجي متخانقين مش مستحملين بعض، لكن دي ست قاعدة مع راجل 30 و40 سنة وشايلاه في عينها، فالآية معجزة بس أنا حسيت المعجزة من الآية اللي بعدها ومن آيته خلق السموات والأرض، كل واحد يخلي باله من الآيات دي والتنازلات وهيعيشوا إن شاء الله في سعادة دايمًا.
