بدون خميرة والحشوة بيتي.. طريقة عمل كحك العيد بالملبن خطوة بخطوة

 أصبحت طريقة عمل كحك العيد بالملبن خطوة بخطوة الآن أكثر سهولة، فمع تعدد الوصفات الناجحة، فإن اتباع ربة المنزل لأسرار نجاح الوصفة ودقة المقادير هي الوسيلة الوحيدة لضمان الحصول على كحك العيد الناعم والحشوة الطرية الناجحة. 

ويكثر البحث عن  طريقة عمل كحك العيد بالملبن خطوة بخطوة نظرًا لطعمه المميز وقوامه الناعم الذي يذوب في الفم مع حشوته الطرية، وأكثر مشكلة تواجه ربات البيوت عند إعداده هي تحول الملبن إلى قوام صلب ويفقد طراوته، لذلك نعرض عبر القاهرة 24 أسرار نجاح طريقة عمل كحك العيد بالملبن خطوة بخطوة وطريقة تحضير الملبن نفسه في المنزل وخطوات تحضيره للحشو.

طريقة عمل كحك العيد بالملبن خطوة بخطوة 

تشمل طريقة عمل كحك العيد بالملبن خطوة بخطوة مقادير يجب أن تقاس بميزان المطبخ للمبتدئين، خاصة عند إعداد الكحك بدون خميرة، حيث لا تستخدم المخابز الخميرة لضمان رائحة الكحك الشهية وعدم تغير البصمة عقب الخبز، وفيما يلي وصفة الشيف محمد حامد:

مقادير كحك العيد بالملبن

•  600 جرام زبدة (طرية بدرجة حرارة الغرفة)
•  600 جرام سمنة (بدرجة حرارة الغرفة)
•  100 جرام سكر بودر (نص كوبايه)
•  2 كيلو دقيق
•  2 معلقة كبيرة ريحة كعك (من العطار)
•  4 معالق سمسم متحمص
•  2 باكو بيكنج باودر
•  4 معالق كبار لبن بودر
•  كوبايه لبن دافي
•  كوبايه ميه دافية
•  رشة ملح

 للحشو

• عجوة: عجوة + زبدة + قرفة — تُعجن كويس لحد ما تنعم
• ملبن: ملبن + قرفة + سداني محمص مجروش

 طريقة عمل كحك العيد بالملبن خطوة بخطوة

1. اخلطي الزبدة والسمنة مع السكر البودر واضربيهم بمضرب السلك لحد ما يبقوا كريمي

2. أضيفي الدقيق، ريحة الكعك، السمسم، البيكنج باودر، واللبن البودر

3. أضيفي اللبن والميه الدافية شوية بشوية وأنتِ بتعجني

4. في الآخر أضيفي الملح مذاب في شوية ميه

5. اعجني لحد ما العجينة تبقى ناعمة تحت إيدك وما تشققش

6. ريحي العجينة 10 دقايق مغطاة بفوطة

7. قطعي وحشي واعملي الشكل المطلوب، ابصميها بشوكة أو أي بصمة كحك

8. سوّي على 190 درجة لمدة 25 دقيقة

9. بعد ما تبرد تمامًا انثري عليها السكر البودر

أسرار نجاح كحك العيد

•  لازم العجينة ما تشققش وأنتِ بتبصميها، لو شققت الكحكة هتطلع بايظة
•  التبريد ضروري قبل السكر البودر عشان ما يعجنش
•  الحشوة ما تطلعش بره الكحكة وأنتِ بتبصميها
•  الكمية دي بـ 2 كيلو دقيق بتطلع حوالي 5 كيلو كحك
•  ميزان المطبخ مهم جدًا للمقادير الصح

طريقة عمل الملبن في البيت

أما وصفة الملبن البيتي المستخدم في طريقة عمل كحك العيد بالملبن خطوة بخطوة، في حالة عدم ثقتك في طراوة الملبن الجاهز أو أنه الملبن المخصص للحشو، فإن الوصفة سهلة وسريعة وموفرة للغاية:

 مقادير الملبن البيتي

•  2.5 كوب ميه (للشربات)
•  2 كوب سكر (للشربات)
•  2 معلقة كبار عسل جلوكوز أو عسل نحل
•  عصير نص ليمونة
•  1 كوب نشا
•  1 كوب ميه (للنشا)
•  1 كوب سكر (يُضاف على مراحل)
•  معلقة صغيرة ماء ورد مركز أو 2 معلقة كبار ماء ورد مخفف
•  نشا أو نشا مع سكر بودر للتغليف

 طريقة عمل الملبن في البيت

1. اخلطي الميه والسكر الأول في الحلة من غير ما تشعلي النار وقلبي لحد ما السكر يذوب

2. اشعلي النار لحد الغليان، أضيفي عسل الجلوكوز وسيبيه يفور

3. ضيفي عصير الليمون واتركيه 5 دقايق وبعدين أقفلي النار

4. حضري مزيج النشا مع الكوب ميه وقلبيهم كويس جدًا

5. ضيفي النشا على الشربات بشكل تدريجي مع التقليب السريع المستمر

6. أضيفي ماء الورد واستمري في التقليب لحد ما الخليط يتقل

7. ضيفي كوب السكر الأخير على 3 مرات، كل مرة تقلبي لحد ما السكر يذوب خالص قبل ما تضيفي التالية

8. استمري في التقليب من 10 لـ 12 دقيقة لحد ما الخليط يتقل ويبقى ما بيلزقش في الحلة

9. صبيه في قالب مدهون زيت خفيف ومرشوش نشا من كل الاتجاهات

10. ارشي نشا على الوش وسووي السطح

11. سيبيه يهدى تمامًا وبعدين حطيه في الثلاجه ساعتين على الأقل

12. اقلبيه، قطعيه وغلفي كل قطعة بالنشا أو النشا مع السكر

 أسرار نجاح الملبن البيتي

•  أضيفي النشا تدريجيًا عشان ما يحصلش تكتلات لأن الشربات بيكون سخن
•  اختبار النضج: خدي قطعة صغيرة وحطيها في ميه بارده — هتعرفي الخامة النهائية
•  الخامة الصح تبقى متوسطة — لا ناشفة ولا سايبة، فيها مطة خفيفة
•  كوب السكر الأخير يُضاف على 3 مرات مش مرة واحدة
•  التقليب السريع والمستمر هو سر نجاح الوصفة من غير تكتلات

طريقة عمل حشوة الملبن للكحك

قد يكون الملبن جاهزًا لديكي، لكنك بالتأكيد لن تستخدميه للحشو كما هو، بل يجب اتباع خطوات طريقة عمل حشوة الملبن للكحك التي تضمن عدم جفافه بعد التسوية واحتفاظه بطراوته التي تعد سر نجاح طريقة عمل كحك العيد بالملبن خطوة بخطوة:

مقادير حشوة الملبن

•  500 جرام ملبن طري نوعية جيدة
• 1-2 ملعقة كبيرة سمن بلدي ساخن قليلًا 
• اختياري: سمسم محمص، مكسرات مجروشة، أو رشة من رائحة الكحك. 

خطوات تحضير حشوة الملبن للكحك

• احرصي على شراء ملبن طري ومخصص للحشو، وتجنبي الأنواع القاسية.
• في وعاء، ضعي الملبن وأضيفي إليه السمن البلدي. 
• اهرسي الملبن جيدًا بملعقة أو باليد حتى يمتزج تمامًا بالسمن ويصبح ناعمًا.
• أضيفي السمسم أو المكسرات (إذا رغبت) إلى الملبن واخلطيهم.
• تجنبي خبز الكحك لفترة طويلة في الفرن، لأن الحرارة الزائدة تجعل الملبن ناشفًا.
• خلط الملبن بالسمن البلدي أو الزبدة هو السر لضمان طراوته بعد خبز الكحك.
• قومي بتشكيل الملبن على هيئة كرات صغيرة الحجم لتتناسب مع حجم الكحكة.
• رصي كرات الملبن في صينية واتركيها في الثلاجة لمدة 15 دقيقة قبل الحشو لتتماسك ولا تسيح داخل الفرن.